الأربعاء، 23 يوليو، 2014

اختبر نفسك فى مجال ال Embedded sys

هقولك على اختبار كويس جدا اعمله علشان تعرف تلاقى فرصة عمل كويسة جدا فى المجال اللى بتحبه - اى مجال - خاصة مجالات تكنولوجيا المعلومات
...
هفترض معاكم فى المثال بتاعننا اننا بنتكلم على مجال ال Embedded system
واقعد مع نفسك كدة وغمض عينيك لمدة عشرة دقايق او خمسة وحاول تفكر فى افكار مجنونة - تفوق الخيال - انت بتحلم انك تصممها فى المجال ده
مثلا يعنى هل ممكن نصمم قمر صناعى بالاردوينو او الراسبرى على سبيل المثال وفكر بقى كتير وماتقومش الا لما تجيب 10 افكار على الاقل
...
قوم بقى كدة واسمعنى
...
امسك عمك جوجل وابحث عن الافكار اللى انت فكرت فيها كدة هتلاقيها متصممة من كام سنة او من كام شهر
...
ازاى الكلام ده دا انا بفكر فى افكار اخترقت الواقع وتفوقه بمراحل والاقيها اتصممت ... هقولك اه ... عراف ليه لان مهما وصل تخيلك ورخوجك ن لألوف هيكون محدود جدا لقلة المعرفة والاطلاع عندك .. اه والله زى ماقولك كدة
يعنى فكرة القمر الصناعى بالراسبرى دى اتعملت ونجحت
...
يبقى قبل ما تفكر فى افكار مجنونة فى مجال علشان تبقى مبدع وكويس لازم تكون مطلع على الاقل اسبوعيا على كل ما هو جديد فى مجال ممكن انت تخللى ساعة اسبوعيا من الخمسين ساعة اللى بيضيعوا عل ىالفيس للموضوع ده
...
على فكرة عامل الاطلاع على كل ما هو حديث وجديد هيكون احد العوامل اللى هيتوقف على قبول الموظفين فى الشركة بتاعتى ان شاء الله :) واحد العوامل اللى هقيم عليها اللى already اتقبلوا وشغالين فى الشركة :)
...
وبناءا على ما سبق :) لازم كل يكون فيه مجموعة من الشباب يجمعوا كل الاخبار الجديدة فى مجال ال Embedded sys او تكنولوجيا المعلومات عامة ويعملوها فى فيديو والكلام ده يتم اسبوعيا ولا يقل الفيديو عن 30 دقيقة
الكلام ده مهم جدا والله ولو اتعمل هيفرق جدا بدل ما احنا واقفين فى منطقة واحد ومش عايزين ننتقل منها
...
الواحد كل ما يقرا الاخبار الحديثة فى المجال ده بيسبهل وبيعرف انه اتاخر 20 سنة فعلا ... اتحركوا ياشباب علشان الوقت اللى جاى هيكون للناس المميزة فقط واسألوا زمايلكم اللى بيدوروا على شغل